lagateira

Archive for the ‘Uncategorized’ Category

In Uncategorized on Febreiro 6, 2010 at 10:48 pm

Advertisements

L´Alverbiu

In Uncategorized on Febreiro 3, 2010 at 10:08 pm

12. L’Alverbiu.
Son pallabras que furrulan comu coplementu circunstancial ensin necesidá de preposición.
Clasifícanse:

12.1 Llugar:
eiquí, ehí, eillí
acá, allá, acullá
iquina,illina
aquende, ende, allende
arriba, abaxu
enriba, encima/embaxu, debaxu
(a)fuera, (a)dientru
delantre, detrás
alantre, atrás
cerca, lluenxe, llonxe

allabaxu, allalantre, allalantrones, allarriba, allarribones
alredor
aparte
enfrente
ondequiera, uquiera, dayure, ninyure.

12.1.1 Locuciones alverbiales de llugar.
A desmanu, a manu, al algame, al cabu, al delláu, al lláu, al pía, al rodiu, a lu baxeiru, a la vera, al
aveséu, a lu llargu, camín, en mediu, nu mediu, nu fondu, nu baxeiru, nu cabeiru, nu
cimeiru, nu fondeiru, xuntu, veleiquí, veleillí, velende…

12.2 Tiempu.
primeiru, (en)antias, /agora/dempués
tresdanteayeri, antiayeri, ayeri, anueche/güei/mañana
aína,ceu,pronte

llueu (=agora mesmín),

/tarde,seru
entós, entoncenes, entoncias, estoncias
antañu/anguañu
yá,(en)tovía, inda, aínda, ón
cuandu
dacuandu
davezu
nunca, enxamás/siempre
cuantá, cuantayá
mentras, mentantu, l´intres

12.2.2 Locuciones alverbiales de tiempu.
A veces, a vegadas, al empar, al mesmu tiempu, al outru día, agora poucu, dacuandu en
vez, d´arréu, de cutiu, de güei en güeitu días, de manu, de momentu, de primeras, de
secute, de siguíu, ente que, l´outru día, nel intre,…

12.3 Mou.
así, asín, asina
bien/mal

meyor/pïor

albentestate

apriesa, de priesa, asgape

aspacín,sele,selemente

dafeithu, dafeithamente

12.3.1 Locuciones alverbiales de mou.
A caldeiráus, a carrenderas, a comuña, a escondidas, a estaya, a forcadiellas, a gustu, a
medias, a móu, a palpu, a petu, a petamente, a poucu, a posta, a querere, al empar, al
escuitu, a la chiba, de baldre, al debalu, a lu subas, de papu, a lu lloucu, en filera, arraimente, a modín, a xeitu…

12.4 Cantidá.
más/menus
tan, tantu
nada
poucu
daqué, dalgu, deillu
abondu, bastante, bien
demasiáu, enforma, sgapáu
munchu
dafechu
cousa, gota,


12.4.1 Locuciones alverbiales de cantidá.

A embute, asgaya, a fartaru, a mamplén, a maza, a medias, a meitada, bien d’eillu, bien de,
en cantidá, n’abondu, un migayu, un poucu, un res,…

12.5 Afirmación.
craru/nidiu
daveras
dexuru
escurque
seguramente, seguru>xuru

tamién


12.5.1 Locuciones alverbiales d’afirmación.

Dende llueu, ensín dubia, pur supuestu, nidiu ta/ye, pos sí,…


12.6 Negación.

non/nou, nun
tampoucu

12.6.1 Usu de la negación.
-Emplégase “nun” cuandu acompaña al verbu ou al pronome átono del que dependa.
nun xantéi na
nun-y lu deas
-Emplégase “non” acompañandu a elementos non verbales y enantes de pausa.
non presonal

non, you nun sou Xurde.


12.6.2 Locuciones alverbiales de negación.

De nenguna manera, de nengún mou

12.7 Dubia.
acasu
guapamente

igual, quiciás, quiciabes, seique, Sicasí, gueitu.

sigún
posiblemente

12.7.1 Locuciones alverbiales de dubia.
A lu meyor, puoe sere, tal vez, posible menos, pur siascasu…


12.8 Alverbius d´enllaz.


12.8.1 Consecutivos.

entós, entoncenes, entoncias, nestoncias, llueu
así, asín, asina

12.8.2 De xunión.
amás amás
tamién
tampoucu nun

12.8.3 Alversativos.
sicasí
outramiente/d´outramiente

12.9 Alverbialización d’axetivos.
-Inmovilizandu las marcas de xéneru y númberu:
ye mui curiosa trabaya mui curiosu.

-Cuna costrución: de xeitu + l´axetivu.

de xeitu sele, de xeitu nidiu, de xeitu curiosu.

-Añadiendu’l sufixu “-mente” al raigón del axetivu: (casos ralos ya cuntaos).

12.10Rellativos:

Nun son alverbios propiamente dithos masque presenten calterísticas en común.

au, cumu, cuando, onde, u,…

12.10.1Usos del alverbiu “ú”

L’alverbiu ú (donde) puede emplegase en dellos contestos estremaos:

a) Cun verbu:

¿Ú vas? (¿ónde vas?)

¿Pur ú los viesti? (¿Pur ónde los vieste?)

¡Reparai!

b) Ensin verbu:

¿Ú María? (¿ónde tá María?)

c) Axuntáu a los pronomes átonos lu, la, lo, los, les formandu úlu, úla, úlo, úlos, úles:

¿Viesti a Xuan?

Non. ¿Úlu? (Non. ¿Ónde stá?)

Apurríme las tesorias

¿Úles? (¿Ónde stán?)

12.11¡Reparái!

Los interrogativos y esclamativos son los mesmos que los relativos peru llevan toos acentu gráficu: aú, cúmu, quándu, ónde, ú.


Conxunciones

In Uncategorized on Febreiro 3, 2010 at 10:07 pm

10. Las Conxunciones.
Son pallabras átonas que venceyan términos que tienen la mesma función sintáutica
(coordinativas), ou tresponen una oración a sustantivu, axetivu ou alverbiu (subordinativas
ou trespositoras)

10.1 Coordinativas ou conectoras.
10.1.1 Copulativas.
y/ya nin/nen
“ya” emplégase cuandu la pallabra que sigue darréu entama por i- ou hi-.

10.1.2 Disyuntivas
ou ou bien…ou bien peru nun/non sinón/sinóu

10.1.3 Consecutivas.
cunque de mou que/de manera que/de mou y manera que
asina/asín/así que pos

10.2 Subordinativas.
10.2.1 Trespositoras de verbu a sustantivu.
que/qu’ se/si

10.2.2 Trespositores de verbu a alverbiu.

10.2.2.1 De llugar.
onde/u

10.2.2.2 De tiempu.
cuandu mientras/mientras que/mentantu de la que/a la que
cuantas/en cuantas que namás/namái malpenas/apenas
desque/de que de magar

10.2.2.3 De mou.
comu sigún

10.2.2.4 De causa.
comu puestu que/ya que pos

10.2.2.5 Finales.
col envís de que, cul finxu de

10.2.2.6 Condicionales.
se/si a menos que menos de

10.2.2.7 Concesivas.
onque on magar que por más que
inda que

10.2.3 Locuciones conxuntivas.
pa que, dende que, ensin que, porque, menos que, dempués de que, enantes de que,
después de que, enantes que, siempre que, cuantayá que, cuantá que, así que, asina
que, d’arréu que, a pesar que, un casu de que, a menus que,…

Las Preposiciones

In Uncategorized on Febreiro 3, 2010 at 10:03 pm

9. Las Preposiciones.
Son elementos de rellación gramatical que s’emplegan pa dotar a un sintagma funciones que
nun-y son propias.

9.1 Preposiciones.
a, ante, baxu, cabu/cau, contra/escontra, con, de, dende, en, ente, hacia, fasta, pa, por,
sigún, sin/ensin, so, sobre/sobru, tres.

9.1.1 Preposición a.
Intencionalidá duna aición; n’estos casos ye bien fruqüente omitila. Quandu falamos de direición úsase pa.
fonun (a) facere

has (a) dicilu.

fonun al pueblu, lu correutu ye fonun pal pueblu.

9.1.2 Preposición ante.
Ye lu mesmu que la espresión alverbial “delantre de”. Emplégase p’amosar la situación de
daqué delantre d’una cousa ou presona.
comíamus ante la igresia

9.1.3 Preposición (em)baixu. Tamién úsase cun pur: pur baixu.
Situación na parte inferior de dalgu.
taba embaixu la mesa

9.1.4 Preposición cabu/cau.
Cercanía de dalgu ou de daquien.
la mia casa taba cabu la ponte


9.1.5 Preposición contra/escontra
.
Ye lu mesmu que “al alcuentru de”, y espresan situación nun llugar más ou menos cercanu a
outru, movimiento, o posición.
pónete escontra la parede
corriéu escontra’l sou fiyu

9.1.6 Preposición con.
Espresa compañía (ye lu mesmu que la espresión “xuntu a”) ou instrumentu.
cheguemos cul tou pá
el gochu mátase cun un cuchiellu

9.1.7 Preposición de.
Espresa llugar de procedencia ou orixe, separación material, material del que ta fechu un oxetu.
Xepe yera de Canales
esi cuchiellu yera de fierru

9.1.8 Preposición dende.
Procedencia ou orixe dende una referencia espacial ou figurada.
venién dende Estorga

9.1.9 Preposición en.
Situación nuna referencia espacial ou figurada, direición ou mou.
vive en Llión
en casa l’alcalde

Cuandu “en” espresa direición, a veces apaez la preposición “a”, y dambas forman la
contraición “an” (a+en).
dir an casa l’alcalde

Vaide pidire ancá Sa Pedru!

9.1.10 Preposición ente.
Alternancia ente duos términos, collaboración ente duos axentes ou que daquién ou daqué
alcuéntranse nun puntu del espaciu ente un llugar ou outru.
taba ente Llión y Estorga
ente la espada y la paré

9.1.11 Preposición (pa)hacia.
Indica movimientu p’hacia una direición determinada.
corrionun p’hacia la biesca

9.1.12 Preposición hasta/fasta/ata.
Direición del movimientu fasta’l sou términu nun llugar determináu.
cheganon ata la cucota

9.1.13 Preposición pa.
Amuesa direición ou situación (con referencia a un llugar, al tiempu) ou a la finalidá.
marchái p’ancá
venirá pa la primaveira

9.1.14 Preposición pur.
Manifiesta causa ou motivu de dalgu, forma na que se face dalgu, y el complementu axente.
lluitandu pula nuesa llingua
un llibru escritu por un gran autor

9.1.15 Preposición sigún.
Espresa alcuerdu ente duos términos, polu que equival a “d’alcuerdu cun”.
sigún dalgunus, el llïonés nun ye una llingua

9.1.16 Preposición sin/ensin.
Indica ausencia de dalgu.
esi buche rosna ensin xacíu

9.1.17 Preposición so.
Equival a embaixu.
taba so la mesa
9.1.18 Preposición sobre/sobru, abréviase cumu sob.
Situación na parte superior de dalgu.
Ponéi los pratos sobru la speteira.

Esti yia un llibru sob la guerra.

9.1.19 Preposición tres.
Fai referencia a situación na parte trasera de daque ou daquién.
el mieu pueblu ta tres esa llomba
9.2 Apostrofación de preposiciones.
9.2.1 Apostrofación de “de”.
Apostrofa d’ cuandu-y siga una pallabra qu’entame por vocal ou h- muda.
d’esa muyer
d’hibiernu

9.2.2 Apostrofación de “en”.
Apostrofa n’ cuandu-y sigue una pallabra qu’entama por vocal ou h- muda.
n’esa casa
n’hibiernu

9.2.3 Apostrofación de “pa”.
Apostrofará p’ cuandu-y sigue pallabra qu’entama por a- ou ha-.
p’Aliste.
p’habere

9.3 Contraiciones.
9.3.1 Preposición +artículu (vere 3.3.1)
9.3.2 Preposición en+indefiníu un (vere 6.2.1)
9.3.2 Preposición en+pron. personal (vere 8.3.2)
9.3.3 Preposición en+demostrativu (vere 4.2)
9.3.4 Preposición en+a (vere 9.1.9)

9.4 Supresión de la preposición “de”.
9.4.1 Cuandu introduce un términu subordináu de un núcleo nominal fináu en vocal.
an cá’l cura, ancá’l pastor del pueblu d’arriba
9.4.2 N’algunas perífrasis verbales.
finorun xintare / finorun de xintare

Rellativos ya Intrugativos

In Uncategorized on Febreiro 3, 2010 at 9:57 pm

7. Rellativos ya Interrogativos.

7.1 Los rellativos.
Camudan una oración n’adyacente d’un sustantivu, axetivu ou alverbiu, de mou que se tratade trespositores d’oración a axetivu ou alverbiu.Furrulan comu pronomes, yá que facen referencia a un sintagma nominal que ta fuera de la oración que tresponen y na que poséen función específica.
7.1.2 Clasificación.
que, quien/daquien, onde/u, cumu, quandu, quantu
7.1.3 Exemplos.
el fíu que vive eiquí
quien bien te quier te fadrá chorare
la cá onde/u nací
el xeitu cumu lu trateste
quandu chegéi yera abondu tarde
quantu ganóu perdiéulu

7.1.4 Apostrofación.
Sólu apostrofa’l relativu “que” de la siguiente forma :
7.1.4.1 Apostrofa “qu’-“ cuandu-y sigue pallabra qu’entama por vocal ou “h-“ muda.
ye lu qu’hai
7.1.4.2 Apostrofa “que’l” cuandu va siguíu del artículu “el”.
Ye más grande que’l de Xuán
7.1.4.3 Apostrofa “qu’él” cuandu va siguíu del pronome “él”.

7.2 Los interrogativos.
Presentan las mesmas formas que los rellativos, peru al sere tónicos van acentuaos.Indican una respuesta respeutu a una entruga referida a aspeutus d’identidá, llugar, tiempu, mou, ou cantidá.
Las interrogaciones son direutas( l’interrogativu furrula comu subordináu nominal, suxetu ou complementu circunstancial) y indireutas (trespositores d´oración a sustantivu).

7.2.1 Clasificación.
quéi, quién, ónde/ú, cúmu, quántu, quálu/-a.

7.2.2 Eixemplos.
¿quéi pasóu a nueche ?
¿Quién yia esi home ?
¿Ónde/ú mercóu la farina ?
¿Quándu vendiéu´l práu ?
¿Cúmu cheganon ?
¿Quála yia la vuesa cá?

7.2 Los esclamativos.
Tienen la mesma forma que los interrogativos menos el “quéi” que pa esclamare yia “qué” y empléganse en frases esclamativas. Son axetivos, pronomes ou alverbios qu’enfatizan aspeutos rellacionaos cona identidá de presonas u oxetus, llugar, tiempu, cantidá ou mou.

Indefiníos

In Uncategorized on Febreiro 3, 2010 at 9:55 pm

6. Los Indefiníos.
Son axetivos y sustantivos que se refieren a un oxetu ou presona de forma vaga ou
imprecisa. Ye un conxuntu mui desemeyáu que tien en dalgunos casos variación xenérica y
de númberu.
Dalgunos d’eillos van antepuestos sólamente ; outros pospuestos ; y outros camudan na sua
posición. Outros dalgunas vegadas van acompañaos d’artículu ou determinante, y outros en
nengún casu.

6.1 Indefiníos cuantificadores.
6.1.1 Cuantificadores asolutos.
Espresan cantidá por sí mesmos, ensin emplegar outros términos.
poucu, pouca, puocos, poucas
abondu, abonda, abondos, abondas
bastante, bastantes
munchu, muncha, munchos, munchas
demasiáu, demasiada, demasiaos, demasiadas
tou, toda, toos, todas

6.1.1.1 Contraiciones.
tou+el tol
toda+la tola
toos+los tolos
todas+las tolas

6.1.2 Cuantificadores rellativos.
Necesitan d’outru términu pa facere referencia de la cantidá qu’espresan.
tantu, tanta, tantos, tantas
más
menos

6.2 Indefiníos esistenciales.
Facen referencia poucu precisa a la esistencia de cousas ou presonas.
un, ún, unu, una, unos, unas
dél, deillu, deilla, deillos, deillas
dalgún, dalgunu, dalguna, dalgunos, dalgunas
nengún, nengunu, nenguna, nengunos, nengunas
dalguién, daquién
dalgu, daqué
naide
nada, ná
cualisquier, cualisquiera
quienquiera
cada, ca

6.2.1 Contraiciones.
“Un” y la suas variantes contráen xuntu a la preposición “en”, y “ca” contráe con “ún”.

nun
nún
nunu
nuna
nunos
nunas

ca+ún caunos

ca+una caúna

6.2.2 Notas sobru l’usu de dalgunos esistenciales.
6.2.2.1 “Un” úsase comu axetivu ; “ún” cuandu ye pronome.

6.2.2.2 Col mesmu significáu que “ná” empléganse espresiones comu : un res, nin una gota,
nin un rispiu, plizcu, migayu, migayina, nnisguín…

6.2.2.3 “Tal” y “talu” son equivalentes, peru talu nun se emplega delantre´l nome.
un casu tal, un casu talu
peru:  tal casu *talu casu

6.3 Indefiníos identificadores ou variables.
mesmu, mesma, mesmos, mesmas
tal, talu, tala, talos, talas
demás
dambos, dambas
entrambos, entrambas
outru, outra, outros, outras

Posesivos

In Uncategorized on Febreiro 3, 2010 at 9:52 pm

5. Los Posesivos.
Son axetivos y pronomes qu’indican posesión ou propiedá, ou la rellación establecida ente
un términu y las presonas gramaticales. Poru amuesan desemeyadas formas en función
de la presona gramatical, del xéneru y del númberu del términu poseídu.
Sigún la sua posición los posesivos tamién se desemeyan.


5.1 Formas antepuestas.

Cumplen la función d’axetivu y empléganse antepuestos al sustantivu. Son d’un poseedor y
deillos poseyedores. Los posesivos en llionés llevan artículu antepuestu, cumu noutras llinguas romance (italianu, catalá, aragonés, pertués…: la mía cá, el mieu pueblu, la mía mocina
masculín femenín
*un poseyedor

1ºper sing :el mieu la mia
plur: los mieos las mias
2ºper: sing el tou la tua
plur: los tous las tuas

3ºper: sing el sou la sua
plur los sous las suas

deillos poseyed.

1ºper sing: el nuesu, la nuesa
plur: los nuesos, las nuesas

2ºper sing: el vuesu, la vuesa
plur los vuesos, las vuesas

3ºper sing: el sou, la sua
plur los sous, las suas


5.2 Fomas pospuestas.

Cumplen la función d’axetivu y empléganse pospuestas al sustantivu.
masc./neutr.  femeninu
un poseedor 1ªper sing miéu mía(miya)
plur miéos mías(miyas)

2ªper. sing: tóu túa(tuya)
plur: tóus túas(tuya)

3ªper. sing: sóu súa(suya)
plur: sóus súas(suyas)

dellos posed. 1ºper sing nuesu nuesa
plur nuesos nuesas
2ºper sing vuesu vuesa
plur vuesos vuesas
3ºper sing sóu súa(suya)
plur sóus súas(suyas)
5.3 Posesivos perifrásticos.
Son invariables en xéneru y númberu y establecen concordancia conas presonas gramaticales.
Van siempre pospuestas al sustantivu.
Un poseyedor 1ªper de mieu/de míu
2ªper: de tou
3ªper: de sou

dellos poseyd.1ªper de nuesu
2ªper: de vuesu
3ªper: de sou

5.4 Nota sobru l’usu de dalgunos posesivos.
Gramaticalmente los posesivos aseméyanse a la construción “de+pronome tónicu”. Nel casu
de los posesivos de tercera presona y pa evitar ambigüedaes, ye meyor l’usu d’esta costrución.
ye’l sou perru ,ye’l perru d’él, ye´l perru de sou.
ye’l perru d’eilla
ye’l perru d’eillos
ye’l neñu d’eillas

Los Demostrativos

In Uncategorized on Febreiro 3, 2010 at 9:49 pm

4. Los Demostrativos.
Son axetivos ou pronomes qu’allugan l’oxetu del que se fala respeutu a quien se fala. Amás falan de cousas actuales, y nel discursu, la presona ou cousa de la que se falóu nel cabeiru llugar va poucu, ou de la que yá se falóu con anterioridá.
Clasifícanse en primer términu (esti), segundu términu (esi), tercer términu (aquel),  sigún la situación del oxetu respeutu a los interlocutores.

4.1 Formas.
masculinu    femeninu     neutru
singular esti esta estu/ aquesti aquesta aquestu
plural estos estas/ aquestos aquestas

singular esi esa esu/ aqueisi aqueisa aqueisu

plural esos esas/aqueisos aqueisas
singular aquel/aqueilli aqueilla aqueillu
plural aqueillos aqueillas

4.2 Contraición en+demostrativu.
Siempre que tengamos la fórmula en+demostrativu contraerán de la forma darréu, tantu nel singular comu nel plural, y en caún de los términos:
nesti nesi naquel

4.3 Acentuación de demostrativos.
Acentúanse cuandu hai posibilidá de confusión dientru la oración.
Cuntome lu d’aqueilla saya nueva y lu desa vieya
Cuntome lu d’aqueilla saya nueva y lu d’ésa vieya

4.4 Outros usos de los demostrativos.
La construción “artículu+más+aquel/aquellu” indica el gráu de cualidá ou capacitación.
ye’l más aquél del grupu

Aquél y aquellu tien un significáu vagu y imprecisu, espresandu una cualidá deducible pol
contestu. Si furrula comu sustantivu ye posible qu’apaeza acompañáu d’outru demostrativu.
yia feya, peru tien el sou aquél
tenié esi aquel que calterizaba a la famulia