lagateira

L´Axetivu

In Gramática on Febreiro 3, 2010 at 9:47 pm

2. L’Axetivu.
Ye l’elementu la oración que furrula cumu axazente nominal, atributu, atributu de suxetu y
de complementu direutu.

2.1 Formación del femenín.

2.1.1 Masculín –u / femeninu –a.
roxu/ roxa
malu/ mala
mariellu/ mariella

2.1.2 Masculinu en consonante / femeninu –a.
llïonés/ llïonesa
vieyín/ vieyina

2.1.3 Irregularidaes na formación del femeninu.

2.1.3.1 Masculinu –áu / femeninu –ada.
moyáu/ moyada

2.1.3.2 Masculinu –íu / femeninu –ida.
bruñíu/ bruñida

2.1.3.3 Masculinu –eiru / femeninu –eira.
faladeiru/ faladeira

2.1.4 Confluencia morfolóxica en sigular.

2.1.4.1 Axetivos finaos en –e.
home llibre/ muyer llibre
llabor fácil/ xeira fácil

2.1.4.2 Axetivos finaos en –a.
esi especialista /esa especialista

2.1.4.3 Axetivos terminaos en consonante.
animal xabaz bestia xabaz

2.2 Formación del plural.
2.2.1 Axetivos masculinos.
2.2.1.1 Singular en vocal átona / plural –s.
mariellu/ mariellos
roxu/ roxos

2.2.1.2 Singular en vocal tónica / plural –s.
maravedí maravedís
xabalí xabalís

2.2.1.3 Singular en consonante / plural en consonante + -es.
manguán manguanes
feliz felices

2.2.1.4 Singular –ín / plural –eo.
fememín femeninos
ruin ruinos

2.2.1.5 Singular –án / plural –os.
argoyán argoyanos

2.2.2 Axetivos femeninos.

2.2.2.1 Singular en vocal átona / plural –s.
mala malas
moyada moyadas
babiana babianas
afayaiza afayaizas

2.2.2.2 Singular en vocal tónica / plural –s.
marroquí marroquís

2.2.2.3 Singular en consonante / plural –es.
xabaz xabaces

2.2.3 Confluencia morfolóxica ente singular y plural.
Las pallabras llanas finadas en –s caltienen la misma forma en singular y plural.
home vozeras, homes vozeras
muyer vozeras, muyeres vozeras

2.3 Concordancia axetivu / sustantivu.
L’axetivu caltién una concordancia de xéneru respeutu del sustantivu al qu’acompaña.
el neñu guapu / la neña guapa
la lloba prieta / el llobu prietu

-La concordancia caltiénse independientemente de la posición del axetivu respeutu al sustantivu.
ñeve nidia
nidia ñeve

-Si l’axetivu acompaña a deillos nomes, apaecerá concordandu en xéneru y cona forma plural.
el fiyu y la fiya yeran fatos
Si los sustantivos asociáos al axetivu son de xéneru desemeyáu ente sí, l’axetivu tendrá la forma
del masculinu plural.
el lleite y la manteiga llïoneses

2.4 Gradación del axetivu.
2.4.1 Gráu positivu.
Preséntase na significación simple ou asoluta.
País llibre
asuntu abegosu

2.4.2 Gráu comparativu.

2.4.2.1 De superioridá.
Pa esta fin emplégase la construción “más+axetivu+que+términu de referencia”.
el perru ye más vieyu que la perra
Tomasín ye más bilortu que Xuacu

2.4.2.2 De inferioridá.
Pa esta fin emplégase la construción “menos+axetivu+que+términu de referencia”.
la ciudá ye menos prestosa que’l pueblu
ye un home menos fulgacián de lu que paez

2.4.2.3 De igualdá.
Pa esta fin empléganse las costruciones que sigen darréu:
-“tan+axetivu+comu+referencia”.
el pueblu ye tan guapu comu la ciudá
– “igual de+axetivu+que+referencia”.
el pueblu ye igual de guapu que la ciudá
– “lu mesmu de+axetivu+que+referencia”.
el pueblu ye lu mesmu de guapu que la ciudá

2.4.3 Gráu superlativu.

2.4.3.1 Asolutu.
– Añadiendu’l sufixu –ísimu, -ísima:
guapísimu guapísima
– Anteponiedu’l prefixu per-, usábase yá en llatín d´ehí pallabras cumu “percatase” ou “perllongu”:
perguapu, pergrande, perlluenxe.
– Anteponiendu alverbios de cantidá:
muitu guapu
mui guapu
abondu guapu
enforma guapu
bien guapu

2.4.3.2 Relativu.
Empléganse las construciones que siguen darréu:
– “artículu+más+axetivu+de+referencia”.
ye’l más guapu de toos
– “artículu+menos+axetivu+de+referencia”.
ye’l menos guapu de toos

2.4.4 Nota sobru dalgunos axetivos.
Los axetivos bonu, malu, grande, primeiru, terceiru y postreiru tien formas apocopadas en
singular antepuestos al sustantivu.
annu buonu / bon annu [suel diptongar cumu buonu/güenu quandu nun va delantre’l nome]
hiviernu malu / mal hiviernu
nevada grande / gran ñevada
pisu prumeiru / prumer pisu
cabudannu terceiru / tercer cabudannu
falamientu postreiru / postrer falamientu

Advertisements

Deixar ua Respuosta

Fill in your details below or click an icon to log in:

WordPress.com Logo

You are commenting using your WordPress.com account. Log Out / Demudar )

Twitter picture

You are commenting using your Twitter account. Log Out / Demudar )

Facebook photo

You are commenting using your Facebook account. Log Out / Demudar )

Google+ photo

You are commenting using your Google+ account. Log Out / Demudar )

Connecting to %s

%d bloggers like this: